♥♥♥♥मराठी MANSE♥♥♥♥......!!

PLEASE CLK THE IMAGE TO SEE

Posted by Its just me yaar 0 comments    

आठवणीने दे.....

चांदणे पांघरलेले आकाश नाही मागत तुझ्याकडे
क्षितिजावर लुकलुकणारा एक तारा मात्र आठवणीने दे....

बेभान कोसळणारा मुक्त पाउस नाही मागत तुझ्याकडे
श्वासात दरवळणारा ओल्या मातीचा सुवास मात्र आठवणीने दे....

बेधुंद करणार्या रातराणीचा बहर नाही मागत तुझ्याकडे
जाताना एक मोगर्याची कळी मात्र आठवणीने दे....

उसळणारा बेछुट दर्या नाही मागत तुझ्याकडे
शांत जलाशयातील एक तरंग मात्र आठवणीने दे....

मुठी एवढे ह्रुदय नाही मागत तुझ्याकडे
माझ्यासाठी चुकलेला एक ठोका मात्र....

आठवणीने दे.....

Posted by Its just me yaar 0 comments    

माझे मन..

माझे मन फक्त
तुझेच गाणे गाते..
सुर ताल आठवणींचे
मनोमनी उधळत राहते..

माझे मन तुझ्या
थकव्याचा विसावा..
तुझ्या मनाचा अल्पविरामही
पुरेसा व्हावा...

माझे मन तुझ्यासाठी
फुलांनी भरलेले मुक्तांगण..
तुझ्या चेहर्यावर पसरलेल्या
हास्याचे ते तुषारी आनंदवन

माझे मन
तुझ्या प्रेमाचा पसारा..
तुझ्या मायेचा हा एक
अजब खेळ सारा...

माझे मन कधी कधी
तुझ्या अश्रूधारांचा पाझर..
अन कधी भावनेच्या पुराला
घातलेला सहानभुतीचा आवर..

माझे मन
तुझेच घरटे..
जिथे तुला सारे सुख
स्वर्गापरी भासते..

पण तुझे मन
माझीया स्वप्नांचे माहेर..
अस्तित्वात त्यांला
तुझ्या अखंड साथिचा आहेर....

Posted by Its just me yaar 0 comments